చిలకలూరిపేట :- చెరువు రోడ్లో వాకింగ్ కి వెళ్లే వారికి ఇక్కట్లు - ఈ సమస్యను పట్టించుకునేవారు లేరా అని విమర్శలు
చిలకలూరిపేట పట్టణంలోని చెరువు రోడ్ లో వాకింగ్ కి వెళ్లే వారికి ఇక్కట్లు తప్పేలా లేవు. వివరాల్లోకి వెళితే గత కొంత కాలంగా మంచినీరు చెరువు వెళ్లి దారులు భయంకరంగా మారాయి. వాహనదారులు మరియు వాకింగ్ కి వెళ్లే వారు ఇబ్బందులకు గురి అవుతున్నారు. కోటప్ప కొండ వైపు నుండి చెరువు రోడ్డు మీదుగా వైయస్సార్ కాలనీ రోడ్డు నుండి నరసరావుపేట రోడ్డులోకి ప్రతిరోజు పొద్దున మరియు సాయంత్రం సమయాలలో సుమారు 20 నుండి 30 టిప్పర్ వాహనాలు గ్రానైట్ లోడుతో వెళుతుంటాయి. దీంతో చెరువు రోడ్డు మొత్తం దెబ్బ తిన్నది. స్థానికుల సమాచారం మేరకు ఆయా గ్రానైట్ సంబంధించిన వారు రోడ్డుపై కంకరతో చదును చేపించారు. అయినప్పటికీ వాహనాల టైర్లు కంకరలో ఇరుక్కు పోవటంతో సదరు గ్రానైట్ ఫ్యాక్టరీలో మిగిలిపోయిన డస్ట్ ని తీసుకువచ్చి రోడ్లపై పోశారు. దీంతో రోడ్డంతా దుమ్ముతో మరియు గుంతలతో వాహనదారులు & వాకింగ్ కి వెళ్లేవారు తీవ్ర ఇబ్బందులకు గురవుతున్నట్లు తెలిపారు. అయితే దీనిపై మున్సిపల్ శాఖ దృష్టిపెట్టి సమస్యను పరిష్కరించే వలసిందిగా వాకింగ్ కు వెళ్లేవారు ఆవేదన వ్యక్తం చేశారు. ఇప్పుడిప్పుడే ఏరియాలో కన్స్ట్రక్షన్ అండ్ రియల్ ఎస్టేట్ అభివృద్ధి చెందుతున్న సమయంలో ఇలాంటి పరిస్థితులు తీవ్రప్రభావాన్ని చూపిస్తాయని. అలాగే పట్టణంలోనే ప్రశాంతంగా, ఆహ్లాదకరమైన వాతావరణం చెరువు రోడ్ లోనే ఉంటుందని దానిని ఇలా నాశనం చేయవద్దని వారు కోరారు.
...
No comments:
Post a Comment