మావోయిస్టు కాల్పుల్లో అమరులైన పోలీసుల విగ్రహాలను ఏర్పాటు చేస్తాం - అమరవీరుల వారోత్సవాల్లో - CI రాజేశ్వరరావు
చిలకలూరిపేట: పోలీస్ అమరవీరుల వారోత్సవాల సందర్భంగా చిలకలూరిపేట అర్బన్ పోలీస్ స్టేషన్ లో గురువారం అర్బన్ సిఐ రాజేశ్వరరావు అమరవీరులకు ఘన నివాళి అర్పించారు. మావోయిస్టుల కాల్పుల్లో విధినిర్వహణలో అమరులైన పోలీసులు సి.ఐ ఆర్. ప్రసాదు,హెడ్ కానిస్టేబుల్ మోహన్ రావు, కానిస్టేబుల్ ఉమర్,హోం గార్డ్ వెంకటేశ్వర రావు చిత్రపటాలకు పూలమాలలు వేసి నివాళులు అర్పించారు. ఈ కార్యక్రమంలో ఎస్సై లు, కానిస్టేబుల్స్, హోంగార్డులు పాల్గొన్నారు. ఈ సందర్భంగా సిఐ రాజేశ్వరరావు మాట్లాడుతూ పట్టణ పోలీస్ స్టేషన్ పరిధిలో వచ్చే సంవత్సరం లో అమరులైన నలుగురు పోలీసుల విగ్రహాలను ఏర్పాటు చేయనున్నట్లు తెలిపారు.
...
