రెండు సంవత్సరాల వ్యవధిలో ఇద్దరు CIలు,ఇద్దరు కమిషనర్లు,ఇద్దరు తహసీల్ధార్లు మార్చటం చిలకలూరిపేట ప్రజలు ఎన్నడూ చూడలేదు - రాష్ట్ర ఓబీసీ కన్వీనర్ అన్నం శ్రీనివాసరావు
ఈరోజు చిలకలూరిపేట నియోజకవర్గ భారతీయ జనతా పార్టీ ఆఫీస్ నందు జరిగిన పత్రికా సమావేశంలో రాష్ట్ర ఓబిసి ప్రోగ్రాం కన్వీనర్ అన్నం శ్రీనివాసరావు మాట్లాడుతూ చిలకలూరిపేట నియోజకవర్గంలో పరిపాలన అస్తవ్యస్తంగా ఉందని,ఆరు నెలలకు ఒక పోలీసు అధికారి ఎందుకు మారుతున్నారు ప్రజలకు తెలియజేయాలని అదేవిధంగా ఈ రెండు సంవత్సరాల్లో ఇద్దరు మున్సిపల్ కమిషనర్ మారారని,తాసిల్దారు కూడా ఇద్దరు మారారని ఈ విధమైన పరిస్థితిని గతంలో ఎప్పుడూ కూడా చిలకలూరిపేట ప్రజలు చూడలేదని దీనిపై స్థానిక వైసీపీ ఎమ్మెల్యే ప్రజలకు సమాధానం చెప్పాలని ఆయన డిమాండ్ చేశారు. చిలకలూరిపేట ఎమ్మార్వో సెలవ మీద వెళ్లగా నాదెండ్ల మండల తాసిల్దార్ ఇన్చార్జిగా వ్యవహరిస్తున్నప్పటికీ ఆయన ప్రజలకు అందుబాటులో లేకుండా ప్రజలకు కావలసిన ఇన్కమ్ సర్టిఫికెట్,కాస్ట్ సర్టిఫికెట్ విషయాల మీద ప్రజలు తీవ్ర ఇబ్బందులకు గురవుతున్నారని ఆయన తెలియజేశారు.కేవలం ఎడవల్లి భూముల సమస్య పరిష్కరించడం కొరకు ఆయన తాసిల్దార్ గా వ్యవహరిస్తున్నారని ప్రజలు అందరూ అనుకుంటున్నారు. అంతేగాని పూర్తిస్థాయి ప్రజా సమస్యల మీద దృష్టి పెట్టడం లేదని ప్రజలకు అందుబాటులో లేరని ఈ విధంగా చేయటంవల్ల ప్రజలు చాలా ఇబ్బందులు పడుతున్నారని అన్నారు. వీటన్నింటిపై స్థానిక ఎమ్మెల్యే ప్రజలకు సమాధానం చెప్పాల్సిన పరిస్థితి ఉందని ఆయన తెలియజేశారు. గతంలో ఎప్పుడూ కూడా ఈ విధంగా అధికారులను మార్చిన సందర్భాలు లేవని ఆయన గుర్తు చేశారు. సమస్యలను గాలికొదిలేసి కేవలం ఆర్భాటాలు శిలాఫలకాలు ప్రచారాలకు మాత్రమే పరిమితం అవుతున్నారని ఆయన దుయ్యబట్టారు ఈ కార్యక్రమంలో స్థానిక పట్టణ ఉపాధ్యక్షులు డి పుల్లయ్య, ఓబీసీ మోర్చా నాయకులు అన్నపరెడ్డి లక్ష్మణ్, యువ నాయకులు వి వంశీ, ఆఫీస్ సెక్రటరీ గుమ్మ బాలకృష్ణ మరియు ముఖ్య నాయకులు పాల్గొన్నారు.
...
No comments:
Post a Comment